«Россия йөрәге» Бөтенроссия гаилә учагы салынган капсула Кайбыч муниципаль районыннан Зеленодольск муниципаль районына тапшырылды

2024 елның 9 декабре, дүшәмбе

Татарстан Республикасы Кайбыч муниципаль районы Башкарма комитетының ЗАГС бүлегендә «Россия йөрәге» Бөтенроссия гаилә учагын Татарстан Республикасы Зеленодольск муниципаль районына тапшыру тантанасы узды.

Кайбыч районыннан Константин һәм Александра Гущиннарның яшь гаиләсе «Россия йөрәге» гаилә учагын Яшел Үзән районыннан Мансур һәм Илсаяр Гайнуллиннар гаиләсенә тапшырдылар, алар 50 елдан артык мәхәббәт, үзара хөрмәт һәм татулыкта яшиләр.

Чара Кайбыч районының хөрмәтле гаиләләре, шулай ук Кайбыч муниципаль районы башлыгы урынбасары Рәмис Хәялиев һәм Башкарма комитет җитәкчесенең социаль мәсьәләләр буенча урынбасары Фәния Петухова катнашында җылы шартларда узды.