Ютазы районында «Ел гаиләсе-2024» район гаилә марафонына йомгак ясау
Россия Федерациясе Президенты Владимир Путин игълан иткән Гаилә елы кысаларында район мәдәният йортында «Ел гаиләсе – 2024» марафонына йомгак ясауга багышланган «Минем гаиләм-галәм» тантаналы чара узды. Бу мөһим чарага актив гражданлык позициясе күрсәткән һәм район үсешенә зур өлеш керткән күпсанлы гаиләләр җыелды. Ел дәвамында марафонда Ютазы районы гомуми белем бирү учреждениеләреннән 140 тан артык гаилә, иң дус һәм актив гаиләләр катнашты. Ата-аналар балаларының иҗади идеяләрен актив рәвештә хупладылар, ярышларда, акцияләрдә, конкурсларда һәм концертларда катнаштылар. Аларның район тормышында актив катнашуы, гаилә кыйммәтләрен күрсәтеп һәм җәмгыятебезне ныгытып, барыбыз өчен дә илһам чыганагы булып тора. Гаиләләр фестивалендә төрле конкурсларда үзләрен күрсәткән гаиләләрне хөрмәтләделәр. Тантаналы чарада финалга чыгучыларга Әтиләр советы рәисе, Башкарма комитет җитәкчесенең социаль мәсьәләләр буенча урынбасары Сергей Рузанов, ГХАТ бүлеге начальнигы Гүзәлия Фәхертдинова, мәгариф бүлеге начальнигы Сергей Абрамов, район хатын-кызлар советы вәкиле Валентина Орехова сәламләү сүзләре белән мөрәҗәгать иттеләр һәм Рәхмәт хатлары, дипломнар һәм истәлекле бүләкләр тапшырдылар.