Әниләр көне алдыннан «Казан» Гаилә үзәгендә гадәттәгечә күп балалы әниләрне хөрмәтләделәр
Ел саен бу искиткеч бәйрәмне билгеләп үтү күркәм традициягә әверелде. Бу юлы аның кунаклары КНИТУның (КХТИ) социаль эш факультеты студентлары, җәмәгатьчелек вәкилләре, Казанның ЗАГС идарәсе җитәкчеләре, массакүләм мәгълүмат чаралары булды. Өч искиткеч гаилә һәм өч әни бәйрәм геройлары иде. Һәр гаиләдә 6 һәм 7 бала тәрбияләнә. Хатын-кызларны хөрмәтләү тантанасын Казан шәһәренең ЗАГС идарәсе башлыгы Елена Студеникина ачып җибәрде. Сөекле әниләрне Казан шәһәренең эшмәкәрлекне үстерү буенча вәкаләтле вәкиле, Казан шәһәре Думасы депутаты Михаил Кузнецов котлады. Ул хатын-кызларга чәчәкләр һәм истәлекле бүләкләр тапшырды. Чараны алып баручылар - Гүзәл Мөхетдинова, Айсылу Маннанова һәм Марина Тетерина үзенчәлекле формада һәр гаилә белән таныштырдылар һәм әниләренә иң җылы сүзләр әйттеләр.