Баулы районында Алтын туй
Нык гаилә һәм аның кыйммәтләре-безнең дәүләтнең нигезе. Бу – безнең нәсел, безнең гореф-гадәтләр, туганлык берлеге, без анда ярдәм, аңлау һәм кайгырту табабыз. Бу-ышаныч һәм тугрылык, кайгырту һәм мәхәббәт, зирәклек һәм үзара аңлашу саклый торган өй учагы. Бүген Баулы ГХАТ бүлегендә дулкынландыргыч һәм тантаналы вакыйга - Сайрин Магданур улы һәм Асия Госман кызы Хәбибуллиннар гаиләсенең 50 еллык юбилеен билгеләп үттеләр.
Юбилярлар лаеклы хезмәт юлын үттеләр. Ир белән хатын Баулы эшчеләр бистәсендә туганнар. Армиядә хезмәт иткәннән соң Сайрин Магданур улы Чукоткада эшләгән, аннары Үзбәкстанның кайнар комнарында хезмәт иткән - югары вольтлы электр үткәргеч линияләре төзегән. Асия Госман кызы үзенең хезмәт юлын резина продукция җитештерүче заводында башлый. Юбилярлар өч бала тәрбияләп үстерделәр һәм бүген сигез оныкларының уңышларына сөенәләр.
ГХАТ бүлеге җитәкчесе Ә.Әхмәтова юбилярларны котлады һәм мактаулы юбилярлар китабына имза куярга чакырды. Бу тантаналы көнне юбилярлар туганнарыннан һәм якыннарыннан иң җылы котлаулар кабул иттеләр. Ә мәдәният йорты артистлары башкаруында музыкаль бүләкләр юбилярлар өчен күңелле сюрприз булды.