Әбиләр һәм бабайлар көнендә Түбән Кама районы ГХАТ Идарәсе белгечләре Зөфәровлар гаиләсен 62 яшь тулуы белән котладылар
Әбиләр һәм бабайлар көнендә Түбән Кама шәһәре ГХАТ Идарәсе белгечләре Тоба авылында яшәүче Зөфәровлар гаиләсен 62 яшь тулуы белән котладылар! Бу гүзәл пар дистә еллар узгач та үзләренең мәхәббәтләрен һәм тугрылыкларын саклап калып, балалары, оныклары һәм оныкчыклары өчен таяныч һәм горурлык булып яшиләр. Аларның зур һәм тату гаиләсе - өч балалары, җиде оныклары һәм дүрт оныкчыкларыннан тора.
Фәйзхан Зөфәр улы һәм Наҗия Мәүләветдин кызы Зөфәровларның тарихы - хезмәт сөючәнлеге һәм гаиләгә тугрылыгы үрнәге. Алар икесенә бергә 76 ел хезмәт иткәннәр. Аларның туган якны үстерүгә керткән өлешләре күп санлы бүләкләр белән билгеләп үтелде, ә Наҗия Мәүләветдин кызы хезмәт ветераны дигән мактаулы исемгә лаек булды. Мондый кешеләр - район өчен чын горурлык, барлык буыннар өчен ныклык һәм рух көче үрнәге.
Ир белән хатынның бәхетле гаилә сере — бер-берсен саклый белү, ярдәм һәм һәрвакыт кулга-кул тотынышып алга бару. Зөфәровлар гаилә традицияләрен саклап кына калмаганнар, ә аны киләчәк буыннарына да тапшырганнар. Оныклары Һәм оныкчыклары өчен алар яраткан бабайлары һәм әбиләре.
Истәлекле вакыйга уңаеннан ир белән хатынның исемнәре Түбән Кама шәһәре ГХАТ Идарәсенең Мактаулы Юбилярлар китабына кертелде.
Зөфәровлар гаиләсенең тарихы барыбызны да гаиләдә мәхәббәт, хөрмәт һәм үзара аңлашуның мөһимлеген истә тотарга рухландырсын.