Татарстан Республикасы Көнендә Түбән Кама ГХАТ Идарәсендә 2024 елның меңенче яшь пары теркәлгән

2024 елның 31 августы, шимбә

Түбән Кама шәһәре ГХАТ Идарәсендә бәхетле пар Айдар һәм Адилә Галимовларны котладылар. Нәкъ менә шундый истәлекле көндә алар 2024 елның меңенче яшь пары булулары символик һәм тәэсирле!

Моннан тыш, бу көнне тагын 14 пар никахларын теркәде.

ГХАТ Идарәсе белгечләре тантаналы рәвештә яшь парларга Татарстан символларының берсен — республика өчен бердәмлек, көч һәм горурлык билгесе булган триколор төшерелгән истәлек тасмасын тапшырдылар.