Яшел Үзән муниципаль районында 400 нче яңа өйләнешкән пар теркәлгәннәр

2024 елның 29 июле, дүшәмбе

2024 елның 27 июлендә Яшел Үзән муниципаль районының ГХАТ бүлегендә 400 никахлашу турында акт теркәлгән.

Макаров Никита Александр улы һәм Төхвәтуллина Алинә Сергей кызы быел Яшел Үзән муниципаль районында никахлашкан 400 нче пар булдылар, бу гаилә өчен көтелмәгән күңелле хәл булды.

ГХАТ хезмәткәрләре аларга беренче гаилә документын-никахлашу турында таныклык тапшырдылар.

Яшь парларга бәхетле тормыш, муллык һәм озак елларга мәхәббәт телибез.