Аксубай районының яңа туган балаларына «Изге теләкләр хаты»

2024 елның 12 июле, җомга

2018 елдан Аксубай районында “Изге теләкләр хаты” акциясе уза. Әлеге акция кысаларында һәр гаилә дөньяга бала туган районыбыз гаиләсен тәбрик итә ала. Яңа туган сабыйга изге теләкләрен һәм бүләген ГХАТ бүлегендә яшь Никишиннар гаиләсе калдырды. ГХАТ бүлеге хезмәткәрләре зур шатлык белән күп балалы Мадуровлар гаиләсенә кызлары Эвелина тугач бүләк тапшырды. Бәхетле әти моңа җавап итеп яшь гаиләгә бәхет һәм иминлек теләде.