Казан шәһәре ГХАТ Идарәсенең Идел буе районы буенча бүлегендә озак гомерле гаиләләр өчен - «Гаилә учагын саклаучылар» тантаналы программасы

2023 елның 24 августы, пәнҗешәмбе

2023 елның 24 августында Казан шәһәре ГХАТ Идарәсенең Идел буе районы буенча бүлегендә «бриллиант» һәм «алтын» юбилярларны хөрмәтләделәр.

50 һәм 60 ел бергә яшәгән кешеләр яшь буынга зур үрнәк булып торалар. Аларның үзара хөрмәте, ярдәме һәм мәхәббәте чын эчкерсез мөнәсәбәтләрнең эталоны булып тора. Илле һәм алтмыш ел юбилярлар өчен бер мизгел кебек үтте, әмма аларның хәтерендә бары тик бәхетле, якты тормыш мизгелләре генә калдырды

Казан шәһәре мэры исеменнән юбилярларга котлау адресы һәм акчалата бүләк тапшырылды. Юбилярлар танышу тарихы, гаилә бәхетенең сере, казанышлары белән уртаклаштылар. Туганнары һәм якыннары бүләкләр һәм чәчәкләр тапшырдылар. ЗАГС бүлеге белгеченнән һәр пар адресына яхшы теләкләр яңгырады.