Тәтештә гаилә тормышы юбилярларын хөрмәтлиләр
Ел башы районда гаилә тормышы юбилярларын котлауга бай булды. Гыйнварда барлыгы 11 пар 50, 55, 60 ел бергә яшәвен билгеләп үтте. Бидәнге авыл җирлегеннән Мөхәммәтшиннар, Кошки-Яңа Имбай авыл җирлегеннән Кыргызовлар, Алабирде авыл җирлегеннән Заһидуллиннар, Нармон авыл җирлегеннән Мавриннар, Ерастовлар, Вәлиевлар, Олы Әтрәч авыл җирлегеннән Гатиатуллиннар, Олы Шәмәк авыл җирлегеннән Ганькиннар, Олы Тархан авыл җирлегеннән Камбеевлар, Бакырчы авыл җирлегеннән Морозкиннар.
Юбилярлар гаиләсе балалары һәм оныклары өчен генә түгел, авыл һәм район халкы өчен дә үрнәк булып тора. Озак еллар никахларын саклап кала алучылар аз. Юбилярларга Тәтеш муниципаль районы Башлыгы Рәмис Хатыйп улы Сафиуллов исеменнән котлау адреслары һәм истәлекле сувенирлар тапшырылды.
Ир белән хатынны юбилей көне белән котлыйбыз һәм сәламәтлек һәм озын гомер телибез!