Гаилә тормышы юбилее белән котлау

2022 елның 5 ноябре, шимбә

Арча шәһәреннән Роберт Зарипович һәм Диләрә Нурмөхәмәтовна Гариповлар гаиләсе алтын туйларын бәйрәм итте. Алтын юбилярлар истәлекле көндә район башлыгы Илшат Нуриев исеменнән бүләк һәм котлау адресы алдылар. Районның хатын-кызлар советы рәисе Гатуллина А.М., ветераннар советы рәисе Хәмидуллина Р.Ш. парларга бәхет һәм озын гомер теләде.

Бүген Гариповлар балаларының һәм оныкларының уңышларына шатланып, туганнары һәм дуслары өчен үрнәк булып яши.