Камил гаилә турында укучылар мәктәп эскәмиясеннән белергә тиеш
«Гаилә белеме» курсы кысаларында Урыссу гимназиясенең 10 нчы сыйныф җитәкчесе Зөлфия Иламова «Идеаль гаилә» темасына дәрес үткәрде. Дәрестә Татарстан Республикасы Ютазы муниципаль районы Башкарма комитетының ГХАТ бүлеге җитәкчесе Гүзәлия Фәхретдинова катнашты.
Укучылар гаилә бәхетенең нигезе мәхәббәт, үзара аңлашу һәм гаиләнең барлык әгъзалары арасында хөрмәт икәнлеген белделәр. Алар тема буенча логик биремнәр үтәделәр, укытучы сорауларына җавап бирделәр.
Гүзәлия Фәхретдинова билгеләп үткәнчә, нигездә безнең районда никахлар мәхәббәт һәм ризалык буенча төзелә. Ул балаларны соңгы берничә елда никахлар, аерылышулар, туучылар саны һәм ата булу статистикасы белән таныштырды. Гүзәлия Сәгадәтулла кызы киләчәктә әлеге чарада катнашучы балалар гаилә коруга бик игътибарлы һәм җаваплы карарлар дигән теләген белдерде. Очрашу дустанә атмосферада узды, кызыклы һәм нәтиҗәле узды.