Мамадыш районы ГХАТ бүлеге җитәкчесе Бөтенроссия проекты «Сыйныф очрашуы» нда катнашты
Мамадыш районы ГХАТ бүлеге җитәкчесе өчен 18 октябрь иртәсе эш вакытыннан алда башланды һәм бик нәтиҗәле булды. Мамадыш шәһәренең 3 нче урта мәктәбе администрациясе чакыруы буенча Ландыш Шәйхетдинова Россия укучылары хәрәкәтенең «Сыйныф очрашуы» Бөтенроссия проектында катнашты. «Сыйныф очрашуларында» укучылар кызыклы кешеләр белән аралаша. Балалар геройның шәхси тормышы, карьерасы һәм профессиональ уңышлары турында сораулар бирә ала.
Ландыш Әлфәт кызы 7-11 сыйныф укучыларын ЗАГС бүлеге эшчәнлеге, гаилә институтын ныгытуга юнәлдерелгән чаралар белән таныштырды. Чыгыш вакытында аны һәм эчтәлекле презентация күрсәтелде. Шулай ук укучылар үзләрен кызыксындырган сорауларны да бирделәр. Балаларны шәһәр буенча күрсәткечләр статистикасы гына түгел, чакырылган спикерның ни өчен нәкъ шушы һөнәрен сайлаганын, мәктәбендә яраткан фәннәре дә кызыксындырды.
Чара ахырында укучылар кызыклы очрашу өчен Мамадыш ГХАТ бүлеге мөдиренә рәхмәт белдерделәр һәм Никахлашу сараена экскурсиягә чакыру алдылар. Очрашу гомуми фото белән тәмамланды.