Түбән Кама муниципаль районы ГХАТ Идарәсендә 33нче мәктәпнең 10нчы сыйныф укучылары өчен «Гаиләчелек» электив курсы буенча дәрес узды

2022 елның 27 сентябре, сишәмбе

Бүген Түбән Кама муниципаль районы ГХАТ Идарәсендә 33нче мәктәпнең 10нчы сыйныф укучылары өчен "Гаиләчелек" электив курсы кысаларында дәрес узды.

Укытучы-психолог Молчанова Айгөл Наил кызы дәресне Л.Н.Толстойның «Үз өендә бәхетле булган кеше генә бәхетле» дигән атаклы сүзләре белән башлап җибәрде. Өйләнешү, балалар тәрбияләү, гаиләдә үзара мөнәсәбәтләр – дәреснең төп темалары булды.  

Айгөл Наил кызы ата-ана гаиләсендә алган тәҗрибә кешегә зур йогынты ясый дип аңлатты. Өлкән тормышта без, уйлап та тормыйча, әти-әниләребез арасындагы мөнәсәбәтләрнең моделен кабатлыйбыз. Һәркем "идеаль" гаиләне үзенчә күз алдына китерсә дә, укучылар мондый гаиләнең гомуми сыйфатларын атадылар.