Зәй муниципаль районында юбиляр парларны котладылар

2022 елның 21 августы, якшәмбе

2022 нче елның 20 августында  Зәй муниципаль районы ГХАТ бүлегендә юбиляр парны котладылар. Бәйрәмгә 65 ел бергә гомер кичерүче Гильмутдиновлар гаиләсе чакырылган иде.

Бу күркәм гаилә яшьләр өчен сабырлык, хисләргә тугърылык, тормышка позитив карау үрнәге булып торалар. Юбилярлар бәхетле гаилә тормышы серләрен ачып, киләчәккә яшь буынга теләкләрен җиткерделәр.