Апас районында «Яшьләр көне»

2022 елның 25 июне, шимбә

25 июньдә Апас үзәк паркында «Яшьләр көне» билгеләп үтелде. Яшь чак – гомернең иң матур һәм иң истә калырлык матур чагы. Алда күпме үрләр яулыйсы, күпме хыялларны тормышка ашырасы...

Мәйдан түрендә районыбызның әле генә барлыкка килгән яшь гаиләләр котланды. Апастан Евгений һәм Регина Федоровларны, Свияжный бистәсеннән Булат һәм Аделина Гимадиевларны район башкарма комитеты җитәкчесе урынбасары Булат Әхмәтҗанов район башлыгы исеменнән тәбрикләде һәм изге теләкләрен юллады, бүләк итеп сертификатлар тапшырды.