Сарман районының алтын юбилярлары

2022 елның 11 июне, шимбә

10 июньдә, Россия көне һәм милли бәйрәмебез-Сабантуй бәйрәме алдыннан, "Ныклы гаилә" проекты кысаларында, район башлыгы Фәрит Мөнәвир улы Хөснуллин Зөлфәт һәм Нәфисә Хамматовларны, Акмурад һәм Кәдрия Бәйрәмовларны Алтын туйлары белән котлады. Юбилярларга муниципаль район башкарма комитеты җитәкчесе урынбасары Индира Сәхипова, ГХАТ бүлеге җитәкчесе Гөлчәчәк Вәлишина, ветераннар Советы рәисе Асыляр Харисов, туганнары һәм якыннары да изге теләкләрен җиткерделәр. Гаиләләргә муниципаль район башлыгының Рәхмәт хатлары һәм истәлекле бүләкләр тапшырылды.