25 февраль көнне Бөгелмә шәһәре ГХАТ бүлеге алтын юбилярлар - Флера Вәли кызы һәм Фәрит Хәмидулла улы Гатауллиннар өчен ишекләрен ачты
Күркәм традиция буенча, мәхәббәт һәм тугрылык билгесе итеп, юбилярлар балдаклар белән алмаштылар һәм Бөгелмә шәһәренең Мактаулы гаиләләре китабына үз имзаларын куйдылар. Гаиләне шәһәр җитәкчелеге исеменнән Бөгелмә муниципаль районы башкарма комитеты җитәкчесе урынбасары Гүзәл Рәхимова котлады, ул шәһәрнең юбилей медален тапшырды.
Үз хезмәт ветераннарын "ТНГ групп" ҖЧҖ җитәкчелеге исеменнән ветераннар советы рәисе Резидә Кәтиева һәм "ТНГ-Групп" ҖЧҖ профсоюз комитеты рәисе Людмила Туркина җылы котлады. Хәмидуллиннар гаиләсе хезмәт династиясе булып тора,
Фәрит Хәмидулла улы һәм Флюра Вәли кызы "Хезмәт ветераны" исеменә ия. Лаеклы ялга чыкканчы алар "Татнефтегеофизика" предприятиесендә эшли, аларның гомуми хезмәт стажы - 84 елдан артык.
Аларның хезмәт эшчәнлеге географиясе бик төрле, Көнбатыш Себердә, Казакъстанда, Коми Республикасында, Красноярск төбәгендә, Һиндстанда, Төркиядә эшлиләр. Фәрит Хәмидулла улының II һәм III дәрәҗә Хезмәт Даны орденнары бар, Казанның 1000 еллыгы истәлегенә медаль белән бүләкләнгән, Фәрит Хәмидулла улына "Татнефть" ААҖнең "Мактаулы нефтьчесе" исеме бирелгән.
Юбилярлар ике ул, онык һәм оныкчык тәрбияләп үстергәннәр, алар да әти-әниләре, әби-бабалары юлыннан киткәннәр. Гатауллиннар гаиләсе хезмәт династиясе булып тора. Олы уллары Марат Фәрит улы 30 ел инде "ТНГ групп" җәмгыятендә бораулау һем тау эшлере буенча өлкән механик булып эшли. Оныклары Мәскәү дәүләт геодезия һәм картография университетының 5 курс студенты.