Югары Ослан муниципаль районында гаилә тормышы юбилярларын хөрмәтләү
2022 нче елның 11 нче февралендә Югары Ослан муниципаль районы Макыл авыл җирлегендә Валеевлар гаиләсе Тәлгать Латфулла улы һәм Саҗидә Шәрәфи кызы алтын туйларын билгеләп үттеләр. 50 ел тату гомер кичергән бәхетле гаилә һәрвакыт соклану һәм хөрмәт хисләре уята. Алар барлык авырлыкларны да җиңеп, тормыш юлы аша бер-берсенә мәхәббәт һәм хөрмәт хисләре кичерделәр. Тәлгать Латфулла улы һәм Сәҗидә Шәрәфи кызы матур һәм тату гаилә корганнар, йорттагы мәхәббәт, татулык һәм иминлек саклаганнар. Ирле-хатынлы Валеевларда -ул һәрвакыт наз, җылылык, үзара аңлашу, бер-береңә сакчыл караш хөкем сөрә торган чын гаилә үрнәге.
Бергә гомер итүләренең 50 еллыгы уңаеннан ирле-хатынлы Валеевларның исемнәре «Районның мактаулы юбилярлары» китабына кертелде. ГХАТ бүлеге җитәкчесе Наталья Кадыйрова юбилярларга сәламәтлек, иминлек, тынычлык һәм озын гомер теләде, Югары Ослан муниципаль районы башлыгы Марат Зиатдиновның Рәхмәт хатын һәм истәлекле бүләк тапшырды. Юбилярларны Макыл авыл җирлеге башлыгы Павел Карпухин, Макыл авылы мәдәният йорты мөдире Ольга Родионова, балалары, туганнары котлап матур теләкләр теләделәр.