Чистай районы ГХАТ бүлеге 2021 нче ел нәтиҗәләре буенча чыгыш ясады
2022 нче елның 8 нче февралендә Чистай муниципаль районы башлыгы Дмитрий Алексеевич Иванов, Башкарма комитет җитәкчесе Эдуард Рөстәм улы Хәсәнов, предприятие һәм оешма җитәкчеләре катнашында узган шәһәр киңәшмәсендә Чистай муниципаль районы Башкарма комитетының ЗАГС бүлеге җитәкчесе Динара Наил кызы Җәләлова 2021 нче ел нәтиҗәләре буенча чыгыш ясады.
Елга йомгак ясалды. Гражданлык хәле актларын теркәү төрләре буенча түбәндәге динамика күзәтелде:
Чистай муниципаль районында икенче һәм аннан соңгы балалар туу 2021 елда 68% тәшкил итте. Шул ук вакытта нәкъ менә икенче, өченче бала туу җәмгыятькә халык санын тотрыклыландыру һәм алга таба үсеш мөмкинлеге бирә. Икенче балалар санының гомумреспублика күрсәткечләре буенча да артуы күзәтелә.
Никахлашучылар саны 22% ка арткан. Тенденция куанычлы. Әгәр беренче пандемия елы күп кенә гаиләләрне җимерсә, икенчесе, киресенчә, статистикага караганда, никахлашу берлекләренең санын арттырган. Бу безгә киләсе елда беренче балалар саны артыр дип уйларга нигез бирә.
Аерылышу турындагы актларның язмаларының саны бераз артуы күзәтелә. ГХАТ белгечләренең актив медиатив эше нәтиҗәсендә, 2021 елда 97 пар тиешле гаризалар бирүдән баш тарткан, 5 пар бер ай дәвамында татулашкан. Шулай итеп, 102 очракта уңай нәтиҗәләргә ирешелгән.
Төп эшчәнлек төрләре белән бәйле тыгыз булуга карамастан, бүлек коллективы гаилә кыйммәтләрен популярлаштыруга, гаилә тәрбиясе традицияләрен саклауга һәм пропагандалауга, Чистай районында демографик хәлне оптимальләштерүгә юнәлтелгән чараларны тормышка ашыруга зур игътибар бирә.
2022 елга өстенлекле бурычлар арасында ГХАТ бүлеге алдында, элеккечә үк, ГХАТ системасында гражданлык хәле актларын вакытында һәм сыйфатлы теркәү, демографик күрсәткечләрне яхшырту, гаилә институты кыйммәтләрен пропагандалау һәм популярлаштыру, балаларны тәрбияләү бурычы тора.