Мамадыш районы ГХАТ бүлеге 2021 нче елга нәтиҗәләр ясады һәм районның демографик хәлен бәяләде
Мамадыш районы ГХАТ бүлеге 2021 нче елга нәтиҗәләр ясады һәм районның демографик хәлен бәяләде. Уткән елда барлыгы 1209 гражданлык хэле акты төзелгән. Туу турында 168 акт теркәлгән. Шуларның 80-е малай булса, 88-е кыз бала.
44 бала гаиләдә беренче, 48 -икенче, 58 - өченче һәм күбрәк булып туганнар. Иң яшь әтигә - 19, әнигә- 18. Иң зур яшьле әтигә 50 тулса, иң зур яшьле әнигә 41 яшь тулган.
2021 нче ел Мамадыш районына 180 яшь гаилә бүләк иткән, гадәттәгечә язылышучыларга иң бай ай – август. Мамадыш районы бу айда 32 гаиләгә тулыланды. Барлыгы җәй айларында 86 пар туй гөрләткән.
Иң яшь кәләшкә һәм кияүгә – 18-шәр тулган. Иң өлкән кәләшкә – 64, кияүгә – 81.
Узган ел нәтиҗәләре буенча аерылу турында 93 акт теркәлгән. Шуларның 81 акты суд карары, 12 очрагы уртак гариза нигезендә.