Бөгелмә муниципаль районы ГХАТ бүлегендә матур датага никах теркәү

2021 елның 21 декабре, сишәмбе

Туй тантанасы өчен датаны сайлау һәрвакыт яшь парларда зур кызыксыну уята.  Берәүләр матур даталарны саннар тылсымы сәбәпле сайлый, ә икенчеләре – уңайлы булу сәбәпле, тантана датасын берничек тә онытмыйсың.

21.12.21 – узып баручы елның соңгы матур датасында Бөгелмә муниципаль районы башкарма комитеты ГХАТ бүлегендә 3 пар үзләренең никахларын теркәде.

ГХАТ бүлеге белгечләре яңа өйләнешүчеләргә бәхет һәм гаилә иминлеге теләделәр. Нинди датаны сайлавыгызга карамастан, гаилә иминлеге бары тик сездән генә тора, ә саннар магиясе бу эштә бераз гына ярдәм итә ала.