«Мәктәпкә җыенырга ярдәм ит» акциясе
Бөгелмә районында вакытлыча кыенлыклар кичерүче күп балалы гаиләләргә һәм балаларга ярдәм йөзеннән, 21 август көнне, балалар паркында, «Мәктәпкә җыенырга ярдәм ит» акциясе узды. Чара хатын-кызлар советы иҗтимагый оешмасы тарафыннан оештырылды, аның составында Бөгелмә районы ГХАТ бүлеге җитәкчесе Элла Демченко да бар иде.
Булачак беренче сыйныф укучыларын яңа уку елы башлану белән Бөгелмә шәһәре мэры урынбасары Ирина Борисовна Белова җылы котлады, ул балаларга яхшы кәеф, укуларында уңышлар һәм мәктәптә яхшы билгеләр алуларын теләде. Балалар өчен күңел ачу программасы оештырылды, һәм, әлбәттә, барлык катнашучыларга канцтоварлар, мәктәп формасы алу өчен сертификатлар тапшырылды. Аттракционнарда бушлай йөрү хокукын бирүче жетоннар күңелле бонус булды.