23 нче июль көнне Казан шәһәре ГХАТ Идарәсендә 3000 нче номер астында никах теркәү турында акт язуы төзелде

2021 елның 23 июле, җомга

Тантана «Казан» гаилә үзәгендә узды. Зуев Рөстәм һәм Йосыпова Диана 2021 елның өч меңенче пары булдылар. Яңа гаиләнең туган көнендә яшь парларны туганнары һәм дуслары гына түгел, ЗАГС хезмәткәрләре дә котлады. Алар яшьләргә истәлекле бүләк сыйфатында «Татар милли кухнясы» китабын бүләк иттеләр.