Казанның Киров ГХАТ бүлегендә «алтын» һәм «бриллиант» юбилярларны хөрмәтләү тантанасы узды

2021 елның 24 мае, дүшәмбе

ГХАТ бүлегендә кичә 50 һәм 60 ел бергә гомер иткән парлар өчен бәйрәм узды. Тантаналы шартларда гаилә парларын истәлекле вакыйга белән котладылар. Ярты гасырлык гаилә тормышын узган 6 гаилә пары өчен Мендельсон маршы яңгырады.

Юбилярларга Казан Мэры Илсур Рәис улы Метшин исеменнән котлау хаты һәм акчалата бүләк тапшырылды.