Түбән Кама муниципаль районы ГХАТ Идарәсендә Габидуллиннар гаиләсенең алтын юбилее узды
Гаҗәп, ничек бер очрашу кеше язмышын үзгәртергә мөмкин! Бер караш, бер кечкенә очкын мәхәббәт утын озак елларга кабыза ала.
Түбән Кама муниципаль районының Алтын юбилярлары – Габидуллиннар гаиләсендә дә шулай булган. Кичәдә танышкач, Рубис Ганиулла улы һәм Мария Дмитрий кызы бүтән бер генә мизгелгә дә аерылышмаганнар. Менә ярты гасыр инде алар кулга-кул тотынып тормышның озын юлы буйлап баралар.
Мәхәббәт һәм кайгыртучанлык белән әйләнгән бәхетле гаиләдә аларның ике искиткеч улары үсеп чыккан, алар бүгенге көндә дә ата-аналары өчен горурлык һәм терәк булып торалар.
Габидуллиннар – хезмәт сөючәнлекнең ачык мисалы, аларның эше бик күп рәхмәтләр белән билгеләп үтелгән, ә гаиләнең гомуми хезмәт стажы - 75 елдан артык.
26 гыйнварда Түбән Кама муниципаль районы ГХАТ Идарәсе белгечләре Рубис Ганиулла улы һәм Мария Дмитрий кызына Мактаулы акт тапшырдылар һәм аларның исемнәрен Мактау китабына керттеләр.
Ә туганнары һәм якыннары яраткан әти-әниләрен котлап, алар өчен җыр һәм бию башкардылар. Тантанага оныклары килү ир белән хатын өчен күңелле сюрприз булды.
Без алтын юбилярларны әлеге истәлекле вакыйга белән котлыйбыз! Һәр көн кояшлы булсын һәм өйне шатлык һәм уңай эмоцияләр белән тулыландырсын!