Королева игезәге – төрле җенесле туган игезәк сабыйларны әнә шулай атыйлар

2020 елның 8 мае, җомга

2020 елның 8 маенда Саба муниципаль районы ГХАТ бүлегендә беренче игезәк балалар, өстәвенә, бу елның Королева игезәкләре теркәлде. Дилүс һәм Алсу Абдуллиннар гаиләсендә ул һәм кыз - икенче һәм өченче бала туды. Бәхетле ата-аналар аларга Нариман һәм Сәминә исемнәрен бирделәр.

Саба муниципаль районы ГХАТ бүлеге җитәкчесе Алсу Шәйхетдинова Абдуллиннар гаиләсен туулары белән котлады һәм аларга иминлек, гаилә бәхете, сәламәтлек, бәхетле балачак теләде.