Татарстан Республикасы Министрлар Кабинетының ГХАТ идарәсе башлыгы Г.Р.Нигъмәтуллина ветераннарны бәйрәм белән котлады

2020 елның 8 мае, җомга

Бөек Ватан сугышында Җиңүнең 75 еллыгы алдыннан Татарстан Республикасы Министрлар Кабинетының гражданлык хәле актларын теркәү идарәсе башлыгы Г.Р.Нигъмәтуллина «Блокадалы Ленинградта яшәүче» билгесе белән бүләкләнгән Казан ветераннарын - Людмила Яковлевна Гаврикова һәм Зинаида Васильевна Мөхәммәдшинаны бәйрәм белән котлады.

Әлеге истәлекле вакыйгага багышланган юбилей медале һәм бүләк җыелмаларын тапшырганда, ул ветераннарга нык сәламәтлек, гаилә иминлеге һәм озын гомер теләде.