Урыссу бала тудыру йортында сабыйны чыгардылар

2020 елның 19 апреле, якшәмбе

 Урыссу бала тудыру йортында туган сабыйны чыгардылар. Наил һәм Рүзилә Кашафетдиновлар гаиләсендә көтеп алган икенче сабыйлары. Яңа туган нарасыйга Аида дип исем кушканнар.

Яшь гаиләгә әлеге шатлыклы көннәре белән истәлекле бүләк һәм Татарстан Республикасы Президентыннан котлау открыткасы тапшырылды. Шулай ук Кашафетдиновлар гаиләсе, керемнәре аз булган гаиләләр өчен бала туганда бирелә торган комплектка ия булдылар.