Зәй муниципаль районы ГХАТ бүлегендә ачык ишекләр көне

2020 елның 26 феврале, чәршәмбе

2020 нче елның 26 февралендә Зәй муниципаль районы ГХАТ бүлегендә Зәй шәһәренең 3 мәктәбе 10 сыйныф укучылары кунакта булдылар. Яшьүсмерләргә ГХАТ бүлеге эшчәнлеге, гражданлык хәле актларын теркәү өлкәсендә электрон хезмәтләр, гаилә һәм никах өлкәсенә кагылышлы законнар, ир һәм хатынның бер – беренә һәм балаларына карата җаваплылыгы белән  ГХАТ бүлеге башлыгы Гөлнар Гизатуллина таныштырды.  Ахырда укучылар эш кабинетлары, архив белән таныштылар.