Яр Чаллы шәһәре ГХАТ идарәсе башлыгы Р.Г.Зарипованың чыгышы
2020 елның 27 гыйнварында Яр Чаллы шәһәре ГХАТ идарәсе җитәкчесе Равилә Гыйльметдин кызы Зарипова шәһәрнең хуҗалык җитәкчеләре белән үткәрелгән киңәшмәдә чыгыш ясады. Чыгышның темасы – 2019 елда Яр Чаллы шәһәренең Гаилә – демографик хәле һәм 2020 елга бурычлар.
Равилә Гыйльметдин кызы билгеләп үткәнчә: «Безнең шәһәрдә тотрыклы табигый үсеш саклана, ул узган ел нәтиҗәләре буенча 2354 кеше тәшкил иткән. Әйтергә кирәк, республиканың дүрт муниципаль берәмлегендә генә табигый үсеш күзәтелә. Бу – Казан, Яр Чаллы,Түбән Кама һәм Әлмәт.».
2019 елда Яр Чаллыда 6740 бала туу теркәлгән. Узган ел яңа туган балаларның 51% ы (3398 кеше) малайлар һәм 49% ы – кызлар (3342 кеше). Чаллылыларның 97 гаиләсендә игезәкләр туды. Иң популяр исемнәр-София (Софья), Әминә, Алисә, Ясминә, Арина, ә малайлар өчен Әмир, Тимур, Данил (Даниэль, Даниил), Артем, Кәрим. Сирәк кешеләр арасында Нух, Багатыр, Гаспар, Джура, Златан, Яндар, Асора, Мерелла, Нехир, Кияра, Сомая, Ситора исемнәрен атарга була. Кайчагында ата-аналар балаларга ике исем бирә: Җәмәл-Сабри, Осман-Али, Антон-Лукас.