Татарстан АССР төзелүнең 100 еллыгы елында Казанда 100-нче никах теркәлде

2020 елның 24 гыйнвары, җомга

«Казан» Гаилә үзәгендә Татарстан АССР төзелүгә 100 ел тулу уңаеннан Анна һәм Антон Ивановларның никахларын теркәү тантанасы узды.

Татарстан Республикасы Министрлар Кабинетының гражданлык хәле актларын теркәү идарәсе башлыгы урынбасары Р.Х. Әхмәтҗанов яшь парларны җылы котлады, аларга нык, тату гаилә булдырырга һәм беренче бала туу белән бәйле тагын да шатлырак һәм бәхетле мизгелләрне озакка сузмаска теләде.