Исем кушу бәйрәме

2020 елның 9 гыйнвары, пәнҗешәмбе

2020 елның 9 гыйнварында Татарстан Республикасы Арча муниципаль районы башкарма комитетының ГХАТ бүлегендә исем кушу бәйрәме үткәрелде. Тантаналы шартларда Рәмис һәм Алсу Газизовлар 2020 елның 1 гыйнварында Казан шәһәрендә туган кызлары Раминаның туу турындагы актына кул куйдылар.

Арча муниципаль районы башлыгы урынбасары Гарипова Г.Ф., Арча районы хатын-кызлар советы рәисе Гатауллина А.М., шулай ук ГХАТ бүлеге хезмәткәрләре бәхетле әти-әнине сабыйлары туу белән котладылар һәм тантаналы шартларда беренче документ, туу турында таныклык, район башлыгы Нуриев И.Г. исеменнән котлау хаты һәм истәлекле бүләк тапшырдылар.