Һәрвакыт булсын кояш!

2019 елның 24 декабре, сишәмбе

Азнакай районы Урсай авыл җирлеге активистлары биләмә советы белән берлектә, 3,4,5 әр бала үстерүче әниләрне бәйрәмдә катнашырга чакырды. Алар авылда 19 һәм төрле һөнәр ияләре:   укытучылар,савымчылар,почта,мәдәният хезмәткәрләре...

Бэйрәм көнне мәдәният йортында энә төшәрлек тә урын юк иде! Хөтта күрше авыллардан да килделәр.Сәхнәдә тамаша: әниләр һәм балалар бергәләп җырлыйлар,бииләр,тамаша куялар. Әниләрнең һәркайсы үзенчәлекле,мактауга лаек! Гаилә учагы җылысын саклаучылар да,тормыш тоткасы да алар. Кичәнең азагында барысы бергә аллы-гөлле шарлар, чәчәк бәйләмнәре тотып чыгып «Һәрвакыт булсын кояш!» җырын башкарганда, зал аягүрә басып алкышлады, барысы да җырга кушылды.