Баулы ГХАТ бүлегендә Татарстан Республикасы Конституциясе көненә багышланган тантаналы рәвештә Россия гражданы паспорты тапшырылды

2019 елның 14 ноябре, пәнҗешәмбе

1992 елның 6 ноябрендә Татарстан Республикасы Конституциясе кабул ителә. Бәйрәм көнне  Баулы муниципаль районы ГХАТ бүлегендә  район башкарма комитеты җитәкчесе урынбасары И.И.Хуснуллина  7 яшьүсмергә тантаналы рәвештә Россия гражданы паспорты тапшырды. Яшь гражданнарны   ГХАТ бүлеге җитәкчесе С.Т.Мөрсәлимова,   эчке эшләр министрлыгының Баулы районындагы миграция бүлеге хезмәткәре Н.С.Четвертакова, Яшь гвардия активистлары котладылар.

Яшьүсмерләрнең  чарага  әти-әниләре, әби-бабалары  белән килүләре шатландыра. Чөнки бу – гаиләдә   мәхәббәт, хөрмәт, аңлашу барлыгын аңлата.  Без үткәргән чаралар гаилә агъзалары арасында  мөнәсәбәтләрне тагын да ныгытырлар дип ышанасы килә.