Бүген «Казан» гаилә Үзәгендә тантаналы рәвештә гаилә тормышы юбилярларын котладылар

2019 елның 13 ноябре, чәршәмбе

50 ел бергә яшәгән парлар яңадан ГХАТ бүлегенә килделәр. Алтын туй-гомер юлын бергә узган һәм үзара аңлашуны, ышанычны саклап кала алган, лаеклы балалар тәрбияләгән парлар тормышында истәлекле вакыйга.

Нәкъ менә аларның балалары һәм оныклары тантаналы чарада катнаштылар, аларның кайберләре үзләре дә, әби-бабай үрнәге белән рухланып, никахка керергә әзерләнә. Дулкынландыргыч тантана барлык юбилярлар өчен тагын бер бәйрәм бүләге булды.