Менделеевск муниципаль районында "Әби белән бабай янәшә" дигән район конкурсы узды

2019 елның 19 октябре, шимбә

Иң яхшы исем өчен Гыйззәтуллиннар, Паровлар, Хисаметдиновлар, Газейкиннар, Юсуповлар һәм Колпаковлар гаиләләре ярышты.  Конкурсантлар визитка, хоббины тәкъдим итү,  сорауларга зирәк җаваплар бирү , аш-су осталыгын күрсәтү кебек турларны лаеклы уздылар.  Сынауларны узганда аларга  балалары , оныклары көч биреп торды.  Алар  яраткан әби-бабайлары турында шигырьләр сөйләделәр, җырлар җырладылар.

Һәр гаилә аерым  номинация буенча билгеләп үтелде, аларга чәчәкләр, истәлекле бүләкләр тапшырылды.