Татарстан гаиләсе "Идел буеның уңышлы гаиләсе-2019" конкурсының "Ата-ана даны" номинациясендә җиңүче булды"

2019 елның 23 сентябре, дүшәмбе

Саранск шәһәрендә Россия Президентының Идел буе федераль округында тулы вәкаләтле вәкиле патронаты астында "Идел буеның уңышлы гаиләсе-2019" округ конкурс-фестивале тәмамланды.

Конкурста Әлмәт муниципаль районыннан күп балалы Лилия һәм Рөстәм Даишевлар гаиләсе катнашты. Жюри карары белән Татарстан гаиләсе «Ата-ана даны»номинациясендә җиңүче дип табылды.

Алда Даишевларның «Ел гаиләсе» Бөтенроссия конкурсында җиңүчеләрне бүләкләү тантанасы көтелә, ул Мәскәүдә агымдагы елның октябрендә Дәүләт Кремль сараенда узачак.