Гаилә тормышын бергә гомер итүче юбилярларны зурлап котлау
Татарстан Республикасы Яшел Үзән муниципаль районы башкарма комитеты ГХАТ бүлегендә 50 ел бергә кулга-кул тотынып гомер иткән Герасимовлар Вячеслав Алексей улының һәм Валентина Александр кызының котлау тантанасы булып узды.
Туйның алтын юбилее-ул илле яшь, гаилә тормышында иң мөһим вакыйгаларның берсе! Әлеге юбилейның символы - иң кыйммәтле һәм затлы металл-алтын. Ярты гасыр бергә гомер иткән кешеләр үзара мәхәббәт, хөрмәт, ышаныч һәм бер-берсенә тугрылыкларын исбатладылар.
Бәхетле парлар залга туй " Мендельсон маршы» музыкасы астында керде. Тантаналы һәм дулкынландыргыч шартларда юбилярлар Яшел Үзән районының Мактаулы юбилярлар китабына имзалар куйдылар, бер-берсен үбешү белән котладылар.
Котлау тантанасын ЗАГС бүлеге җитәкчесе урынбасары Романова Е. Н. алып барды, ул юбилярлар турында сөйләде. Аларның ничек бергә танышканнарын, бергә яшәүләрен һәм тормыштагы авырлыкларны ничек бергә үткәннәрен сөйләде. Екатерина Романова юбилярларга гаилә учагын гомер буе бергә саклап килгәннәре өчен Татарстан Республикасы Яшел Үзән муниципаль районының башлыгы исеменнән рәхмәт хатын тапшырды. Юбилярлар адресына туганнарыннан бик күп җылы һәм матур котлаулар яңгырады. Бәйрәм ахырында ирле-хатынлы Герасимовлар кунаклар белән бергә истәлеккә фотога төштеләр.