Югары Ослан муниципаль районында Гаилә, мәхәббәт һәм тугрылык көне
2019 елның 6 июлендә, Югары Ослан муниципаль районы Печище авыл җирлеге мәдәният йортында Гаилә, мәхәббәт һәм тугрылык көне алдыннан тантаналы чара узды. Югары Ослан муниципаль районы Советы аппаратының җитәкчесе Людмила Никитина барлык катнашучыларны гаилә, мәхәббәт һәм тугрылык көне белән котлады, 43 елдан артык бергә яшәгән Поляковлар гаиләсенә «Мәхәббәт һәм тугрылык өчен» медале, Россия Федерациясендә Гаилә, мәхәббәт һәм тугрылык көнен үткәрү буенча оештыру комитетының грамотасын, чәчәк бәйләме белән истәлекле бүләк тапшырды.
Гражданлык хәле актларын теркәү бүлеге җитәкчесе Наталья Кадыйрова барлык чакырылган кешеләрне гаилә, мәхәббәт һәм тугрылык көне белән котлады, барлык гаиләләргә мәхәббәт, татулык, иминлек һәм гаилә бәхете теләде.
Шулай ук Леонид улы Виталий һәм Василий кызы Галина адресына Печище авыл җирлеге башлыгы Леонтий Яковлев, Югары Ослан муниципаль районының Үзәкләштерелгән клуб системасы директоры Лилия Галимуллина, Янка Купала Печище музее директоры Римма Абызова, балалары, оныклары, туганнары һәм якыннарыннан бүләкләр тапшыру белән бергә бик күп җылы сүзләр әйтелде. Алар өчен район мәдәният йорты хезмәткәрләре җырлары яңгырады.