Мамадыш районында иң чибәр удмурт кызын һәм иң кыю удмурт егетен сайладылар

2019 елның 29 июне, шимбә

Агымдагы елның 29 нчы июнендә Мамадыш районын Пойкино авылында удмурт халкы сәнгате бәйрәме “Гырон быдтон – 2019” гөрләп узды. Ул язгы-кыр эшләре тәмамланганны һәм мул уңыш киләчәген билгеләүче зур бәйрәм.

Бәйрәм кунаклары өчен удмурт халкы сәнгате, гореф-гадәтләре, тормышы һәм көн-күреше белән таныштыручы ишегаллары оештырылган иде.

Кияүдә булмаган һәм өйләнмәгән кызар һәм егетләр “Чеберина һәм Батыр” бәйгесендә катнаша алды. Финалга барлыгы 6 кыз һәм 5 егет узды. Алар 3 сәгать дәвамында барган бәйгеләрдә актив катнаштылар. Мәртәбәле жюри сайлау эшенең авыр булуын искәртте, чөнки төп бүләккә һәр катнашучы лаек иде.

Нәтиҗәләр буенча төп бүләкләр - билбау һәм таҗга Әгерҗе кызы Алина Пислегова әм Кукмара егете Максим Зиновьев лаек булды.