Түбән Кама шәһәре ГХАТ Идарәсендә чираттагы паспортлар тапшыру тантанасы узды

2024 елның 17 апреле, чәршәмбе

Шәхесне раслаучы документны тантаналы шартларда безнең шәһәрнең 12 егете һәм кызы алды. Барлык балалар да актив тормыш рәвеше алып баралар, төрле конкурсларда һәм олимпиадаларда катнашалар, иҗат белән шөгыльләнәләр.

Түбән Кама муниципаль районы башлыгы ярдәмчесе, Түбән Кама районы Беренчеләр хәрәкәте җитәкчесе Роза Фәйрушина балаларга үгет-нәсихәт сүзләре белән мөрәҗәгать итте. Ул балаларны беренче документны алулары белән котлады.

Кадерле егетләр һәм кызлар! Сезне бу мөһим вакыйга белән котлыйбыз. Илегезнең лаеклы гражданнары булыгыз! Онытмагыз, паспорт алу олы булу гына түгел, иң мөһиме, җаваплы булу.