Түбән Кама шәһәренең ГХАТ Идарәсендә «Гаилә тәрбиясе әлифбасы» проекты кысаларында мәктәп укучылары белән чираттагы очрашу узды
38 нче лицей укучылары Түбән Кама шәһәренең ГХАТ Идарәсендә «Гаилә тәрбиясе әлифбасы» дәресендә булдылар. Балалар ГХАТ Идарәсе органнарының эше, һәр кешенең тормышында аларның нинди роль уйнаулары турында белделәр. Никахка һәм гаиләгә җаваплы мөнәсәбәт темасы да күтәрелде.
Идарә башлыгы Сәгыйтова Гүзәлия Исламовна гражданлык хәле актларының һәр төренең үзенчәлекләре, архив саклау урыны турында сөйләде. Балалар узган гасырдан бүгенге көнгә кадәр шәһәр тормышы тарихы белән таныштылар, ягъни гражданлык хәле актлары язмаларын тутыруның формалары һәм ысулы ничек үзгәрүен белделәр.
Укучылар лекцияне бик теләп тыңладылар, сораулар бирделәр һәм гаилә кыйммәтләрен формалаштыруның һәм саклауның мөһим аспектлары турында фикер алыштылар. Дәрес кысаларында шулай ук кызыклы мини-викторина үткәрелде, анда балалар гаилә традицияләре һәм гаилә иминлегенең төп принциплары өлкәсендәге белемнәрен сынап карый алдылар.