Түбән Кама шәһәренең Никахлашу сараенда юбилярларны илле еллык юбилей белән котладылар

2024 елның 18 марты, дүшәмбе

18 мартта Нияз Язкар улы һәм Зөлфия Хатмулла кызы Ясавиевлар бергә тормыш итүләренең илле еллыгын билгеләп үттеләр.

Алтын туй - иң мөһим гаилә вакыйгаларының берсе. Тигезлектә озын гомер узу, еллар аша бер-береңә тугрылыкны, хөрмәтне алып бару, тигезлектә бер-берегезне яратып яшәү,  матур хисләрне озак еллар буена саклап калу – чын бәхет. Ясавиевлар гаиләсе чыннан да яшь гаиләләр өчен тату һәм лаеклы гаилә  үрнәге  булып торалар.

Алтын юбилярларны туганнары һәм якыннары - ике кызлары һәм дүрт оныклары котлады. Юбилей хөрмәтенә юбилярларның исемнәре Мактау китабына кертелде.

Юбилярларга ныклы сәламәтлек, бәхет һәм иминлек телибез. Мәхәббәт җылысы, элеккечә, аларның гаиләсен җылытып торсын!