Түбән Кама муниципаль районы ГХАТ Идарәсендә паспортлар тапшыру тантанасы

2023 елның 20 декабре, чәршәмбе

"Россия гражданины булу – лаеклы кеше булу!" Нәкъ менә шундый девиз астында Түбән Кама муниципаль районы ГХАТ Идарәсендә 14 яшькә җиткән яшь Россия гражданнарына паспортлар тапшыру тантанасы узды.

Чара Россия һәм Татарстан Республикасы дәүләт гимннары белән ачылды. Балалар өчен илебезнең төп законын һәм символларын белү буенча викторина әзерләнде, алар аны уңышлы үтәделәр. Залның алкышлары астында егетләр һәм кызлар үзләренең беренче юридик документын алдылар һәм «Россиянең яшь гражданы антын» бирделәр.