Нурлат районында өч йөзенче бала теркәлгән

2023 елның 26 декабре, сишәмбе

Нурлат районың ГХАТ бүлегендә 26 декабрь көнне 300-нче бала тууны дәүләт теркәвенә алдылар.

22 декабрь Марсель һәм Антонина Курбановлар гаиләсендә шатлыклы һәм күптән көтелгән вакыйга. Озак көтелгән бала дөньяга килә, аны әти – әнисе матур исем белән Артем дип атый.

ГХАТ бүлеге башлыгы Лилия Сәлих кызы Гомәрованың котлауларын кабул иттеләр беренче документ туу турында таныклык һәм бүләк алдылар.

Лилия Сәлих кызы ата-аналарга нык сәламәтлек, иминлек һәм сабырлык, ә балага сәламәт, көчле һәм нык булып үсүен теләде.