Түбән Кама муниципаль районы ГХАТ Идарәсенең Әниләр көненә кызыклы статистика саннары
2023 елның 10 аенда Түбән Кама районында 1937 бала тууы теркәлгән, шуларның 1022се малайлар, 915е кызлар. 13 гаилә игезәкләргә бай булды, ә менә өч игезәк бала туу белән бу ел әлегә сөендермәде.
Кызыклы факт: гыйнвар аеннан 30 яшьтән 34 яшькә кадәрге әниләр һәм әтиләр (538 һәм 535) арасында иң күп бала туган, икенче урында 25-29 яшьлек әниләр һәм әтиләр тора (525 һәм 440). Бу рейтингта хатын-кызлар арасында өченче урынны 18-24 яшьлек әниләр (404), ир-атлар арасында аны 35 яшьтән 39 яшькә кадәрге әтиләр (429) ала.
3 әни һәм 2 әти балигъ булмаган. 40 яшьтән соң 69 хатын-кыз бала табарга карар итә, аларның иң өлкәненә 47 яшь тулган. Иң өлкән әтиләр 63 яшьлек өч ир-ат була.
Күп балалылык тормыш нормасына әверелә. Узган 10 ай эчендә 397 хатын-кыз өченче бала тапкан. Гаиләдә дүртенче булып – 101 бала туа, бишенче булып – 27, алтынчы булып – 14, җиденче булып – 4 һәм бер бала сигезенче булып туа.