Мамадыш гаиләләрен спорт берләштерә

10 март 2018 ел., шимбә

Мамадышта масштаблы “ГТО гаилә белән” дип исемләнгән зур уеннарның муниципаль этабы узды. Бәйгедә катнашу теләге белән кайчандыр Мамадыш районы ГХАТ бүлегендә никахларын рәсмиләштергән 8 үрнәк гаилә чыкты. Алар барысы да районның спорт сөюче, иң бердәм гаиләләре. Чараны оештуручылар сүзләренчә, аларның балалары белән алар инде күптән  таныш, ә хәзер ата-аналарын да эштә сынап карыйлар. Конкурсантларга 6 спорт төре буенча нормативлар тапшырырга туры килде. Алар арасында: тартылу, озынлыкка сикерү, алга иелү, 50 метрга йөзү, 1,5-2 чакырмга чаңгыда йөгерү һәм башкалар иде. Муниципаль тур җиңүчеләрен хәзер Казанда 30 март-1нче апрель көннәрендә узачак республика этабы көтә.

ЯҢАЛЫКЛАРГА ЯЗЫЛУ
Copyright © 2003 — 2018
Татарстан Республикасы Министрлар Кабинеты
Яндекс цитирования